დასრულდა იტალიის თასის 1/2 ფინალური ეტაპის პირველი მატჩი, რომელშიც ''მილანმა'' საკუთარ მოედანზე ტურინის ''იუვენტუსს'' უმასპინძლა და ანგარიშით 1-2 დამარცხდა. მატჩის პირველი ნახევარი ფრედ 0-0 დასრულდა. მეორე ნახევრის 53-ე წუთზე კი კასერესმა გოლის გატანა მოახერხა. ბორიელოს დარტყმის შემდეგ ამელიამ ბურთი მოიგერია, დასწრებაზე კი პირველი სწორედ კოლუმბიელი აღმოჩნდა, 0-1. 62-ე წუთზე მოედანზე რობინიო გამოჩნდა, რომელმაც ურბი ემანუელსონი შეცვალა. იმავე წუთზე საჯარიმოში მყოფმა მასიმო ამბროზინიმ ელ შაარავის თავური გადაცემა გაუკეთა, ფარაონს კი გოლის გატანა არ გაუჭირდა 1-1. მოგვიანებით ''მილანმა'' მეორე გოლიც გაიტანა, რომელიც ზლატან იბრაჰიმოვიჩის ანგარიშზე იქნებოდა თუ მსაჯი მას ჩათვლიდა. შეტევის მომენტში ზლატანს ბურთი ხელში მოხვდა. 83-ე წუთზე კი კასერესმა დუბლის შესრულება მოახერხა. ეფექტური დარტყმით იგი ბურთი ცხრიანში მოათავსა, ამელიამ კი ამ დარტყმაზე რეაქციის მოხდენაც კი ვერ მოასწრო. საბოლოოდ 1-2 და სტუმრად მგოებული შეხვედრის წყალობით ''იუვენტუსს'' ფინალში გასვლის დიდი შანსები გაუჩნდა.

''მილანი'' - ''იუვენტუსი'' 1:2

გოლები: ელ შაარავი, 62 - კასერესი, 53, 83.

''მილანი'': ამელია, ბონერა, მექსესი, ტიაგო სილვა, ანტონინი, ემანუელსონი (რობინიო, 62), ვან ბომელი (მაქსი ლოპესი, 86), ამბროზინი, ზეედორფი, იბრაჰიმოვიჩი, ელ შაარავი.

''იუვენტუსი'': სტორარი, კასერესი, ბონუჩი, ბარძალი, კიელინი, პადოინი (მარონე, 69), პირლო, ჯაკერინი, ესტიგარიბია, ბორიელო (ვუჩინიჩი, 68), დელ პიერო (კვალიარელა, 67).

გაფრთხილებები: ამბროზინი, მექსესი - კვალიარელა.