''მილანის'' ერთდროულად 9 ფეხბურთელს კონტრაქტი მიმდინარე სეზონის ბოლოს ეწორება. ეს მოთამაშეები არიან: ამბროზინი, ინძაგი, ნესტა, რომა, ზეედორფი, ვან ბომელი, იეპესი, ძამბროტა. მიმდინარე წლის ზაფხულს განმეორდება იგივე ისტორია, რომელიც გასულ ზაფხულს მოხდა, როდესაც რამოდენიმე ვეტერანი სწორედ მსგავს სიტუაციაში იყო. სეზონის დასრულებისთვის ვია ტურატიზე იმ მოთამაშეთა ვინაობის გაგებას იმედოვნებენ, რომლებიც კლუბს დატოვებენ.

ერთ-ერთი ვეტერანი, მასიმო ამბროზინი თითქმის მთელი საკუთარი კარიერის განმალობაში ''მილანში'' თამაშობდა. გუნდის კაპიტნის ანგარიშზე ''როსონერის'' რიგებში 16 ჩატარებული სეზონია. კარიერას კი იგი ''ჩეზენაში'' იწყებდა, როდესაც ეს გუდნი სერია ბ-ში ასპარეზობდა, შემდეგ კი მასიმომ ''მილანის'' სკაუტთა ყურადღება დაიმსახურა. ''შავ-წითლებში'' მოსვლის შემდეგ კი მას ერთი წლით ''ვიჩენცაში'' მოუწია წასვლა, სადაც მაშინ ''უდინეზეს'' ამჟამინდელი თავკაცი, ფრანჩესკო გვიდოლინი მუშაობდა.

მაისში ამბროს 35 წელი შეუსრულდება, თუმცა ახლაც იგი საკმაოდ საიმედოდ თამაშობს. ამ ყველაფერთან დაკავშირებით, MilanNews-თან ინტერვიუში, თავად ფეხბურთელის აგენტმა, მორენო როჯიმ ისაუბრა.

მორენო, არის თუ არა სიახლეები ამბროზინისთან დაკავშირებით?
''არა, ჯერჯერობით არაფერი ახალი არ არის. მე მხოლოდ იმის თქმა შემიძლია, რომ თუ ''მილანს'' მასიმო სჭირდება, მაშინ იგი დიდი სიამოვნებით გააფორმებს ახალ კოტრაქტს. თუმცა ახლა ჯერ კიდევ თებრვალია და ამაზე საუბარი ადრეა.''

ხელმძვანელობას და მოთამაშეებს კარგი ურთიერთობები აქვთ, რომელიც ნებისმიერი საკითხის მშვიდ გარემოში გადაწყვეტის გარანტიას იძლევა...
''ეს სიმართლეა. ასე, რომ თუ კლუბს ჩემს კლიენტთან ხელშეკრულების გახანგძლივება მოუნდება, მაშინ ჩვენ მოლაპარაკებათა მაგიდაზე დავჯდებით და ყველაფერს მშვიდად განვიხილავთ. ასე რომ შემიძლია გითხრათ, რომ მასიმოს წასვლასთან დაკავშირებით არსებული ჭოირები - მხოლოდ და მხოლოდ ჟურნალისტთა ფანტაზიის ნაყოფია.''